Zündhölzli
Mani Matter

|| C | G7 | Am | E |F | C | F | G7| C ||

1. I han es Zündhölzli azündt
und das het e Flamrne gäh
und i ha för d'Zigarette
welle Füür vom Hölzli näh
aber ds Hölzli isch dervo-
gspickt und uf e Teppich cho
und es hatt no fascht es Loch
i Teppich gäh dervo.

2. Ja me weis was cha passiere
we me nid ufpasst mit Füür
und fur d'Gluet ar Zigarette
isch e Teppich doch de z'tüür
und vom Teppich hätt - o Grus
chonne ds Füür i ds ganze Hus
und wär weis was da nid alles
no wär worde drus.

3. S'hätt e Brand gäh im Quartier
und s'hetti d'Füürwehr müesse cho
hätti ghornet i de Strasse
und dr Schluuch vom Wage gno
und si hätte wasser gsprützt
und das hätt de glych nüt gnützt
und die ganzi Stadt hätt brönnt
es hatt se nüt meh gschützt.

4. Und d'Lüt wären umegsprunge

i der Angscht um Hab und Guet
hatte gmeint s'heig eine Füür gleit
hätte ds Sturmgwehr gno ir Wuet
alls hätt brüelet: wär isch tschuld?
ds ganze Land i eim Tumult
dass me gschosse hätt
uf d'Bundesrät am Rednerpult.

5. D'Uno hätt interveniert
und d'Uno-Gägner sofort o
für ir Schwyz dr Fride z'rette
wäre beid mit Panzer cho
S'hätt sech usdehnt nadisna
uf Europa Afrika
s'hätt e Wältchrieg gäh
und d'Mönschheit wär jitz nümme da.

6. I han es Zündhölzli azündt
und das het e Flamrne gäh
und i ha för d'Zigarette
welle Füür vom Hölzli näh
aber ds Hölzli isch dervo-
gspickt und uf e Teppich cho
gottseidank dass i's
vom Teppich wider furt ha gno.