Las la si
Gölä

---

Jede Tag isch so wi der anger, nume ä Kopie
Hütt isch es doch nid viu angers aus s'scho geschter isch gsi
So chas vorcho dass du ire Bar bisch, nume du u dini Gfüeu
U ohne dass ds merksch fülle sich näbe dir langsam d'Schtüeu

U we de plötzlech oper mit dir redt wis scho lang niemer meh het ta
Irgend e schönt Frou oder ä gäbige Ma
Ja de bruchts de aube nid viu u d'Versuechig isch gross
Du gschpürsch das Chribele wider, s'wär wider mau öppis los

Las la si u stig nid druf i, las la si s'isch so schnäu verbi
So nes Abetüur brönnt wi Füür
Aber d'Gluet wo dr blibt di wartet daheim u het scho längt Zyt

Ja i weiss we me früsch verliebt isch chasch nid gnue zäme si
Jedi Minute isch wi ne Droge aber das geit schnäu verbi
Wöu irgendeinisch da chunnt der Alltag, s'isch scho immer so gsi
Nach Früehlig, Summer u Herbscht zieht o dr Winter mau i

Las la si u stig nid druf i, las la si s'isch so schnäu verbi
So nes Abetüur brönnt wi Füür
Aber d'Gluet wo dr blibt di wartet daheim u het scho längt Zyt

Las la si...

---