I schänke der mis Härz
Züri West

---

D'Szene isch e chliini Bar irgendwo i dere Schtadt & i bschteue e Whiskey &
hocke irgendwo ab wo's grad Platz het & luege echli ume wär so umenang
hocket aber kenne tueni niemer hie inne - öberau hocke Lüt hinger de
Schampus-chüble geng e Frou & e Typ & nippe am ne Flüte & hange anenang a
& rede öppis öber nüt & nume i bi allei
und do wächslets liecht, hie und da verschwindä widär zwoi
irgendwo und irgendeinisch geit e dunkublaue Vorhang uf
Hinger em Vorhang het's e Bühni & uf dr Bühni schteit e Frou wo i de Ungerhose
irgendsone Schou zeigt
I luege so chli zue & i hocke so chli da & gschpüre plötzlech dass i irgend sone
Hand uf em Chnöi ha & dräiie mi um & näbe mir hocket eini won i nie vorhär ha
gseh & fragt öb i alleini sig & sie sig o L. A. & i söu nid überlege & i gfaui re no so
& sie wöu eifach echli rede & villecht sött i hie no säge
Sie gseht schön us - sie isch e Schöni mit schöne länge Haar & klar bin i närvös
worde & klar han i trunke & mit jedem Schluck het sie mi no chli schöner afa
dünke & nach jedem Glas Champagner het sie geng no eis wöue & i ha zaut &
zaut bis i eifach nümm ha chönne & ha gseit:
Hey wei mr nid zu mir oder so & sie het gseit: i chönnt di so verwöhne & so ire
haub Schtung chönnt i cho & jitz sag mr eifach nume no wieviu - säg wieviu -
wieviu gisch mr wenn i chume
I schänke dr mis Härz - meh han i nid - du chasch es ha we de wosch es isch es
guets & es git no mängi wo's würd näh aber dir würd i's gä

---