Hemmige
Mani Matter

| Em | Am | D7 | G | G | H7 | Em | H7 || Em H7 | Em ||

S'git Lüt die würde alletwäge nie
Es Lied vorsinge so win ig jitz hie
Eis singen um kei Prys nei bhüetis nei
Will si Hemmige hei

Sie wäre vilicht gärn im Grund gno fräch
Und dänke das syg ihres grosse Päch
Und s'Iaschtet uf ne win e schwäre Stei
Dass si Hemmige hei

I weis das macht eim heiss verschlat eim d'Stimm
Doch dünkts eim mängisch o s'syg nüt so schlimm
S'sisch glych es Glück o we mirs gar nid wei
Das mir Hemmige hei

Was unterscheidet d'Mönsche vom Schimpans
S'sisch nid di glatti Hut dr fählend Schwanz
Nid dass mir schlächter d'Böim ufchöme nei
Dass mir Hemmige hei

Me stell sich d'Manne vor wenns anders wär
Und s'chäm es hübsches Meiteli derhär
Jitz luege mir doch höchstens chly uf d'Bei
Will mir Hemmige hei

Und wenn me gseht was hütt dr Mönschheit droht
So gseht me würklech schwarz nid nume rot
Und was me no cha hoffen isch alei
Dass si Hemmige hei